فلان الفلانى ... اهداء لروح الشهداء

فلان الفلاني اللي كان يومها جنبي..

ساعة لما بدأوا في ضرب الرصاص

فلان الفلاني اللي معرفش اسمه..ف دايما بقول يابن عمي وخلاص

فلان اللي سابلي بقيت سندوتشه..ليلة لما شافني بغنّي و جعان

فلان اللي مش فاكرَه غير شكل وشه..فلان اللي فتشني بالإبتسامه

فلان اللي قال هو فعلا حيمشي....؟

فلان اللي مرضيش ياخد مني أجره ساعة لما قلت إني رايح مظاهره..

فلان اللي قاللي حيتنحى بكره....

وحنفرح و نرقص و راح تبقى سهره....

فلان اللي يشرب ويسألني عايز ؟

فلان اللي كان وشه مليان قزاز

فلان اللي مطلعش جـوه البرامـج..وكان بس صوته في قلب الهتاف

فلان اللي روح أكل واستحمى..

فلان اللي ضايع في وسط ال الاف

فلان اللي غرقّلي خل الكوفيه..و شالني ساعة لما جت طلقه فيا

فلان اللي مات يومها تلزمله ديه.. من ابن الفلاني اللي كل لحمه حاف...

كلمات الشاعر مصطفى ابراهيم